Sámedikki ohcanvuđot gielladoarjjaortnegiid árvvoštallan (2013:1)

Sámedikki ohcanvuđot gielladoarjjaortnegiid árvvoštallan (2013:1)

Institute: 
Norut
Type of publication: 
Report
Year: 
2013
Volume: 
2013:1

Sámedikki ohcanvuđot gielladoarjagat leat stuora ávkin sámegiela nannenbargguin. Min árvvoštallan geahčada 2007-2011 áigodaga, ja mii leat geahčadan sihke daid doarjjaortnegiid mat leat sámegiela hálddašanguovllu prošeavttaid várás,ja maiddái prošeavttaid mat leat olggobealde giellahálddašanguovllu. Dasa lassin leat mii geahčadan prošeaktadoarjagiid mat leat juolluduvvon Sámeálbmot foanddas. Doarjagiid sturrodagat gal leat iešalddis smávvat, muhto daid bohtosat leat ollu máŋggalágan giellaprošeavttat mat olahit ollu báikkálaš servodagaide. Heajut bealli lea ahte giellabargguin buot áiggiid ii leat joatkevašvuohta, ja giellaguovddážat, mat ožžot ollu prošeavttaide doarjagiid, vásihit ollu dárbbašmeahttun byrokratiija.

Sámedikki ulbmil dieid doarjjaortnegiiguin lea oažžut eanebuid geavahit sámegiela. Go árvvoštallamis lea iskan movt diet ulbmil olahuvvo, de leat geahčadan doarjjaortnegiid hálddašeami, namalassii makkár mállet prošeavttat leat ožžon doarjaga, maid Sámediggi bealistis lea deattuhan iežas áššemeannudeamis, ja movt doarjjaoažžut árvvoštallet ortnega ja makkár bohtosiid leat olahan.